كنا بنقول ايه؟

موضوع: كنا بنقول ايه؟ الخميس يوليو 31, 2008 3:48 pm

بسم الله والحمد لله و الصلاة و السلام على رسول الله..
اللهم افتح علينا حكمتك.. و انشر علينا رحمتك .. يا ذا الجلال و الإكرام..
و صل اللهم و سلم على حبيبنا و نبينا محمد و على آله و صحبه أجمعين
الحمد لله الذي عطاؤه قِسَم وصُنعهُ حكم ...
خلق الخلق لحكمة..و طوى عليها علمه.. ثم قال سبحانه "قل سيروا في الأرض فانظروا كيف بدأ الخلق ...". {سورة العنكبوت (19): الأية 20}

بقالنا كتير ما اتقابلناش..
و بقالي كتير.. بعيد..
و بقالي كتير.. مقصر للأسف..
و أسأل الله أن يوقظنا من غفلاتنا.. و أن يقيل عثراتنا .. و يعفوا عن زلاتنا..

الواحد بييجي عليه أوقات كتير جدا.. يحس انه عامل زي بهلوان السيرك.. ماشي على حبل..

عاوز يوازن مابين التزامات الحياة الدنيا.. من عمل و تطوير للنفس.. الخ.. و مابين التزامات الآخرة.. و المسئولية اللي

هايتحاسب عنها أمام الله سبحانه و تعالى..

موقف صعب.. و طريق صعب.. لأن مطلوب منك تلزم و تثبت في كل خطوة.. مطلوب منك تفضل مركز في كل لحظة..

و لكن للأسف.. الواحد غصب عنه.. بتاخده مشاكل الحياة.. و بتميله عن الطريق.. و منا اللي بتبلعه مشاكل الحياة و

التزاماتها تماما..

طب ايه الحل.. و ايه العمل؟..

سؤال سألته لنفسي كتير مؤخرا لأني تعبان..

و لقيت ان الموضوع مالهوش حل غير الهجرة..

ماهياش هجرة أوطان.. ولا هجرة أبدان..

الموضوع محتاج هجرة قلوب..

قلوب متجهة نحو الله سبحانه و تعالى..

و ساعتها خدت بالي..

اننا شئنا أم أبينا.. في هجرة..

من يوم ما اتولدنا.. و احنا على سفر.. الى الله سبحانه و تعالى.. بس ماحدش فينا عارف موعد وصول رحلته امتى..

بس كتير مننا للأسف.. مسافر.. بظهره!.. ماشي على الطريق بظهره.. مدي ظهره لله.. و موجه قلبه و عقله ووعينيه..

للدنيا.. للي رايح مابيجعش..

عشان كده.. مادمنا في كل الأحوال ماشيين في الطريق.. طب على الأقل نمشي و احنا متجهين في الاتجاه الصح.. تكون

القلوب.. و العقول.. و الأرواح.. تجاه الله سبحانه و تعالى.. حتى تلقاه..

و مادمنا ماشيين على الطريق.. فاحنا محتاجين نعرف الطريق كويس..بادئ فين.. و ماشي ازاي.. و نهايته ايه..

عشان كده.. لقيت اني محتاج استراحة شوية.. استراحة من الدنيا.. أهاجر فيها إلى ربي..

أذكر نفسي فيها.. قبل أن أذكر غيري..

و أحمد الله سبحانه و تعالى أن هدانا إليه.. و ما كنا لنهتدي لولا أن هدانا..

و أسأله سبحانه و تعالى يعيننا على ذكره و شكره و حسن عبادته..

و أن يمن علينا بأجل نعمة بعد الإيمان.. و هي نعمة الإخلاص لوجهه سبحانه و تعالى..

و أن يعيننا على تيه أنفسنا الأمارة بالسوء.. ولا يكلنا اليها طرفة عين..

----------------------------------------------------
كنا بنقول ايه؟

منك لله ياللي في بالي!!..

ايوة.. كنا بنقول قد ايه احنا تعبانين في حياتنا لأننا مش عارفين سنن الله و قوانينه اللي بتحكم كل شئ حوالينا.. أو عارفينها

و بنتجاهلها…

ماهو ربنا له سنن ثابتة في المجتمعات و و النفوس.. انا و انت بتحكمنا السنن دي..

و تعالى نشوف نماذج من المشاكل اللي احنا بنعيشها في واقعنا بسبب الموضوع ده عشان اثبتلك الكلام اللي باقوله..

بص يا باشا ماينفعش أنك تعيش فى الحياه لوحدك لازم يكون معاك حد و الحد ده يأما هيسعدك على طريق الخير أو هيسعدك على طريق الشر ربما الناس ألى أنت معاهم ناس طيبيين و كل حاجة بس برضه أنا حاسس أنك نقصك أنك تقابل أصدقائك ألى كانوا معاك و الكلام ده كله باين من كلامك ربما أنت بتقول أنك مش قادر تقابلهم لأنك مش فاضى مثلا لكن لو أنك عزمت فى نفسك أنك هتقبلهم مثلا و قررت مفيش قوة هتقدر توقفك لكن ربما دى تكون سنة الحياه و على رأى المثل البعيد عن العين بعيد عن القلب بس أنا بنصحك تنظم وقتك و تمشى على الجدول صح وبالدقيقة ده لو أنت عايز تمشى صح لكن لو استهترت بدقيقة واحدة فى جدولك هتستمر ماشى فهذه الحياه و مش عارف هى مودياك فين